Македонското астрономско друштво има чест да ги покани учениците и професорите од средните училишта на традиционалната XXIV Зимска астрономска школа, која ќе се одржи на 21 и 22 март 2025г. со почеток од 9ч во просториите на Природно-математичкиот факултет во Скопје. Би ни било огромна чест доколку вашето училиште испрати група ученици кои имаат интерес за астрономијата и природните науки со нивните професори.
Програмата на школата вклучува популарни предавања од областа на астрономијата, кои опфаќаат актуелни теми и најновите достигнувања во оваа наукa, прилагодени за учениците. Дополнително, учесниците ќе имаат можност да го посетат Планетариумот во Скопје и да проследат специјално подготвено предавање.
Пријавувањето е задолжително и треба да се направи најдоцна до 10 март, така што ќе го кликнете копчето подолу. За регистрација, потребни се следните податоци: име и презиме, училиште, град и адреса (кирилично пополнети), како и e-mail адреса.
Котизацијата за учество изнесува 1200 денари, а со неа секој учесник добива еден примерок од Астрономскиот алманах, како и оброци и ужини за двата дена од школата. Доколку е вклучена и посета на Планетариумот, котизацијата изнесува 1400 денари. Уплатата треба да се изврши најдоцна до 14 март. Ќе биде возможна уплата и по 14 март, како и на лице-место, но во тој случај цената би изнесувала 1500, односно 1700 со посета на планетариум. На уплатницата задолжително треба да стои името и презимето на учесникот кој се пријавил. Наставниците кои ќе пријават група од пет или повеќе ученици се ослободени од котизација.
Жиро сметка:
- Корисник: Македонско астрономско друштво – Скопје
- Сметка: 300 0000010538 44
- Даночен број: 4030995355753
- Банка: Комерцијална банка АД Скопје
Важни датуми:
- 10 март – електронско пријавување;
- 14 март – уплата на котизација од 1200 денари, односно 1400 денари со посета на Планетариум;
- 21 март – регистрација на учесници (и уплата на лице место на 1500 денари, односно 1700 денари со посета на Планетариум, за оние што не уплатиле преку банка).
Во меѓувреме…
Додека се подготвуваме за школата, погледнете го астрономскиот алманах од минатата година тука.
Постер
